كأبيات

مقسوم اتنين..
العالم اصبح من جوه
مقسوم لاتنين
اتنين اغراب
الارض ضباب
السكه سراب
و كلاب و ضباع
الحب يباع
لفراغ المشتري من نوعه
كان نفسك تدخل فضلوعها
و تقول
-استني..  ماتسيبينيش
=مش شايفه النور
-قلبك مكسور
=الناس بتدور زي الدراويش
البنت تبور من غير النيش
الناس التايهه ماتنفعنيش
ولا تعرفليش ايها متوى
اذ قال القاتل فالفتوى
ان الانسان لقد كرم عن كل سواه كما الدرر
و انا سيدنا الفاضل اذ
كرمت الحيوان البري
اصبحت بلا عقل حتي
ازاي بني ادم متكرم
نظراته بتجرح بنيادمه
ازاي بتجرح جوهرتك
نضارتك شاهده على دموعي
لو عايز تدخل في ضلوعي
اتفضل بابك متوارب
هتشوف كان كام واحد شارب
خوفني لحد اما لقيتك
اهداني الرب باب بيتك
فروحت استاذنك ادخل
دخلت و لسه باستاذن
اذنلي الرب اكون منك
اشيل قلبك ينورني
رنمت عني مع الامام
دخلت كنيسه انا اادن
عملنا سلام
و خلصت الرساله خلاص
رَبك اذَن
ملاك الموت لما وزن
كان قلبي اول ما اتولدت
اخف كتير ماللي اتوزن
وشوشني قالي ده قلب مين
ده قلب حبك بالقوي
الشخص ده اصبح سوي
لما التقاكي فدنيته
انتي اللي كنتي جنته
في دنيا نار
و لهذا اني اعتقد
ان المفيد
انك تكوني جنبه و ماتموتيش دلوقت


وقف ساعتها الوقت
استغرب الجمله
الارض بتصرخ
المطره بالجمله
مين اللي اقنع ملك
انه يخالف امر
انه يهد السور
كان قلبك انت النور
اللي نهى حالي
الموته احلالي
قلبك رجع جواك
النور رجع جواك
جواك سواد و حلاك
ماتسيبلهوش فرصه
انه يروح يطفيك
و مادمت انا قلبك
ان الامل موجود
طول ما انت قلبك فيك
..................
الصمت ساد جوه حيطان روحه
جمع جميع بوحه
و اداها منه سكات
كان جوه منه حاجات
كتيره هيقولها
مسح دموعه و الهدوء
ساد
و استولى
........
مش كُنتي اولّي
ان انتى تتحبي
كنت هشيلك جوا
و اداري و اخبي
روحك و تفاصيلك
انا كنت هديلك
شرياني او..  قلبي
و هعيش انا ف جوفك
الاسمر الداكن   ..
و هعيش كمان ساكن
جوا جدار اسمك
بتداري ليه ف جسمك
و انا جاي ليه مشتاق
جايلك ب وصل ايجار
و مدون الاسماء
ادفع ايجارك شوق..
تديني وصل حنان
تديني امضت شوك
تاذيني و انا تعبان
من طلعه السلم
انا لسه باتالم
من يوم وجع قلبك
يا ستي انا كلبك
لقطه متسابه
نفرض حيطان الحب
و سلامنا فالغابه
انا كنت باتغابى
باجي عليكي كتير
انا كنت زي امير
شافك ملك قام خر
بمزاجه او مضطر
النقطه ان الندى
خروا لنا سجدا
عينهم بوسع المدى
مستنيين تاويل
انا حلمي كان انتي
هل تختلف اقاويل
عن بنت صابها الحزن
بهتت عليه فرحه
بتجملي الطرحه
وقت اما بتحاوطك


انتي اديتيني الامل
وردك مابيشوكش
بس البشر اغبيا
فاكرين بان الحيط
لو  اتدهن ابيض
فكانه ماتلونش
انا زي بيت لعبه
في جوز حيطان مجانين
واحده سوادها غل
واحده بياضها حنين
تكسر في ديه طوبه
تفقع لها شرخين
البيت بيصرخ طين
الناس تهد اساس
البيت اساسا ناس
ساكنينه ناس تانيين
ساكنينه ناس تايهين
الاكي صاحب البيت
انتي اللي جمعتي
و كشفتي ما خبيت
في خلف جدراني
و صالحتي احزاني
عالفرح من تاني
الحزن خلاني
اسود هزيل حاني
احساس جميل اني
ماطلعش انا الجاني
حكمك كمان جاني
بسهوله .. بالتدريج
ما دمت انا قلبك
ان الامل موجود
طول ما انت قلبك فيك .
..
#مقسوم_اتنين
#كابيات
بقلم محمد عبد المحسن