ياانا يالشعر...مين يكسب ؟؟؟

ومش هدرس انا فالشعر
واوضب كل اقلامى
ومش ناويه اعوم فالبحر
انا هكتب باحلامى
ياتنصفنى ياتحدفنى
واموت  عالسطر من غلبى
ياتوصفنى وتمدحنى
والاقى ديوان طالب قربى
ياتهجينى وتنفينى
وازور فالقافية واسلم ...
الاقى الهم  متعبى
وياقلبى ...ساعدنى شويه
اكتبلك واحسبلك بنبضك
شوق
وياوردى بلاش تعذرنى ف
جنونى ..ولا تهادينى مرة بشوك
وليه النص مش محبوك
عشان يشمت فتفكيرى
وليه الشعر مش ممسوك
ولايف عالحريم غيرى
انا والله معقولة وبطلب
منه يتأنى ويستنى
دة انا لسانى بتهجى
تقع سنة من الوزنة
هتطلع لى ميتين سنة
وفيه انه ..فانى بكتبك
رايقة ...ومتدايقة
وانى بعلنك صوتى وانا
شاربة وعطشانه
وانى بسمعك روحى وانا
فقصرى وغلبانه
وعيانة بداء الشعر
واخاف اخدو كمان فالقبر
يحاسبونى عليه الملكين
وبفتكره حبيب خاين
وهتجرأ عليه بسكين ...
يااما الشعر يدبحنى
يااما يسيبنى .. وفى عرشه
الاقى نفسى من سحره
كما ملكة فى غمضة عين ..

كلماتى #شيماء ابوسمرة