كأبيات

عيل زمان
كان مره جده بيساله
"نفسكشي تطلع زي ابوك؟"
"راجل تقي بتاع ربنا و التقوى دايما باينه فيه"
قام قاله "نفسي"
و رن صوت الحلم فيه
قاله "الاكيد..
انك هتنهي زي ابوك
بس اللي جايز يختلف جوه الطريق
البدأ فيه"
..
الواد مايفهمشي الحاجات-دي
كات فرحته و الضحك دايما يسرقوه
بليل يوميها عادي جدا
نام ولا فكر في انه في يوم يجوز
يكون ابوه
..
عدى الزمن فبيبقى شاب
و الدنيا تغويه و تسحبه
اشي اعداديه فشله ثانوي مع البنات
و الدنيا حلوه بتعجبه
..
خلوه البنات اخر الزمن عاجز
مالمرقعه و الهيصه فركابه
خلاه الحشيش كحاح فيوم دق الهوا بابه
و ينسى الناس و عادي جدا ينسى حد فصحابه
..
بقى زي ابوه
اخر المطاف فجاه اتفق
بس التفاصيل تختلف
بيكح هو من الحشيش
و ده مالمكن فالمصنع اللي ماكله
بتخونه رجله و هو برضه خانها ياما
مش ده التعب كان بهدله على اكل عيش
بينسى الناس مقابل نص قرش حشيش
و ده يا عيني
بينسى الناس بمشاكلهم مقابل انه بس يعيش
..
- صدق جده
و كان عارف حاجات احنا مانعرفهاش
ياريت نتعلم الحكمه ورا القصه
عشان لما الكبير يأمر
ننفذ لجل كام حاجه
مابيقولهاش
=يا ميس ..
- اسال
=ازاي ولد بعد العدد شوفي كاااام سنه
من "نيله سوده" "هباب مقندل" "انت اغبى" تحبطه
في نفس الوقت يركز انه
يشق سكه عكس ابوه و يقلده؟!
..
#اللي_خلف_ماماتش
#كابيات
بقلم محمد عبد المحسن