كأبيات

باكتب اني.. -لوحدي فجاة-
باكتب اني لوحدي تاني

باكتب اني لوحدي هابقى
و اني هالقى الحب تاني
اني هالقى الحب صدفة
و اني صدفة..
ممكن ابقى ف حتة تانيه

اني زاهد دنيا فانية
بس رايد نور عينيكي
و اني هاتطمن عليكي
 اني كنت ما بين ايديكي
ماصنتينيش
اني عايش بس مش عارف اعيش
اني سايب كل حاجه تشدني ليكي
و اني فيكي خلاص باموت
و رغم ده ماباشدنيش

باكتب اني عشان اناني..
سبت كل مرة عدت
اكتب اني لوحدي..
فجاة!
اكتب اني لوحدي تاني
..
#لوحدي_تاني
#كابيات
بقلم محمد عبد المحسن