كأبيات

كان نفسي اكتب لك جواب قبل السفر
يفضل معاكي بذكريات تحت المطر
و بذكريات ارض المعز و كل ضحك القاهره
و الإفتِرَا
و باني حابك حب ابوكي و انتي سالمه بين ايديه
و قصيده باسمك قبل حتى ماعرفك
مكتوبه ليه ؟
و باني كنت زمان ممثل محترف
امزج مشاعر حزن تخلق حاله للجمهور فيبكي
و أن كوميديا دور حياتي كامله بيكي
كان نفسي اكتب لك باني مش وحش
انا بس مش واثق في نفسي
حتى نفسي
عايزه تكتبلك كلام .. صعب اوصفه
حسيه معايا انا حاسه جدا
مانتي عارفه
قادر احس بكل شئ .. و انا ماعرفوش
انا كان بوِدِّي اني اوصفلك كلام مكتوب في قلبي نحيتك
لكني تهت فالكلام و قلبي مال على نحيتك
فنسيتني مين
و الله مش باكتب كلام حلو و خلاص
انا بس باكتب كل شئ حاسه
انا جيت عشان اكتب جواب
عن قدر حبي و حلو حبك
لكن عجز عندي الكلام و ماقضانيش ..
فانا هاكتفي بكلمة "بحبك"
....
او ماكتفيش
.......
#كابيات
بقلم محمد عبد المحسن