بقلم سيلينا سامح
قبل ثلاث سنوات
باهر يجلس في مكتبه و معه بعض الاوراق الخاصه بالمصنع الجديد مع شريكه احمد.
باهر: ازاي كده انا كنت مظبط كل حاجه .
احمد: مش عارفه يا باهر انا كلمتهم و كنت مظبط الدنيا .
باهر: دي كارثه انت عارف يعني ايه معلومات زي دي توصل للحكومه ؟!!! دي فيها سجن يا احمد.
احمد: سجن؟هههههه قول كلام غير ده ياعم.
باهر: مش علشان كل مره بعرف اتصرف يبقي المره دي اه... احنا المره دي بنتاجر في سلاح يا احمد يعني بنخالف القانون.
احمد: ده علي اساس ان اللي قبلها كان مجلة ميكي مثلا؟(ثم يضحك)
باهر: انت يابني بارد ليه ؟ بقولك فيها سجن لينا ياغبي.
احمد: لينا ايه ياعم قول ليك انا مليش دعوه بالموضوع ده انا يدوبك بجبلك اخبار الكماين و بامنلك الطريق.
باهر: بلاش الجو ده معايا انت مش قد زعل باهر السريطي يا احمد.
تدخل السكرتيره مقاطعه
السكرتيره: مستر باهر ... انسه منه مستنيه حضرتك بره .
باهر: اه دخليها دخليها .
احمد: هي منه تعرف حقيقة انك حد مجرم و تاجر سلاح؟
باهر: متعرفش و لو عرفت انا هتصرف .
احمد: اوعي تكون ناوي تحكيلها.
باهر: هو انت شايفني زيك بفضح نفسي ؟ ولا تكون نسيت "احلام" اللي اتهموها ظلم في التجاره و كله بسبب غبائك.
احمد: (بغضب) باهر الموضوع ده مقفول من زمان و اياك تفتحوا تا...
منه مقاطعه: موضوع ايه اللي باهر ميفتحهوش تاني ؟
احمد بتوتر: لا ولا حاجه موضوع تافه.
منه: موضوع تافه يستحق انك تزعق؟ غريبه اوي.
باهر: لا ده بيهزر هو بس كنا بنتكلم عن واحده كده احمد بيحبها.
احمد بصوت منخفض: و انا لو معجب بواحده هبقي مع اشكالك ايه.
منه: قلت حاجه يا احمد؟
احمد: كنت بقول انوا فضيحه اوي بجد.
باهر: المهم يلا بينا يا منه .
منه: اه يلا علشان في موضوع لازم نتكلم فيه.
منه
بعض الناس يخبروني انني محظوظه حقًا لان باهر يحبني و لكن وضعي لا يحسد عليه فأنا وقعت في عشق مجرم . اجل باهر مجرم فهو يتاجر في الاسلحه و يشارك في اتهام الناس بالباطل ، في البدايه عندما تعرفت عليه كنت سعيده حقًا وحتي عندما تقدم لخطبتي كان يهلل قلبي و لكن اليوم اكتشفت حقيقته. وصلتني رساله من احمد في وقت متأخر ان باهر هو السبب في سجن "احلام" اكثر فتاه احبها احمد ، فعل هذا فقط لكي لا يكتشف حد اعماله الغير قانونيه . كان احمد من اعز اعز اصدقاء باهر ولكن بعد حادث "احلام" اصبح يلمح بكلام غير مفهوم عن باهر و انه مجرم حتي جاء و كشف لي امره فأجل انا هي من اوصلت الاخبار الشرطه ف انا لن اوافق علي ان تتم هذه البيعه الرخيصه التي تتسبب في كوارث في بلدي و يموت بسببها الكثير.
منه: باهر انت عارف ان تجاره السلاح بقت كتيره اليومين دول ؟
باهر: كترت اوي منهم لله الناس دي بجد معندهمش قلب و احترام بجد.
منه: زيك كده.
باهر: زي؟ قصدك ايه(بتوتر)
منه: نسيت اقولك انوا الرجاله بتوعك اتقبض عليهم من ساعه هما و شحنة السلاح اللي كانت معاهم.
باهر: رجاله ؟ و شحنه؟ و سلاح كمان ! كلام كبير ده ... انا باهر يابنتي يعني يستحيل اخالف القانون .
منه: انت اللي وصلت اخبارك للبوليس .
باهر في صدمه: ايه انتي؟ لا استحاله .
منه: هههههههه و ايه رأيك ان احمد كمان ساعدني ... صاحب عمرك باعك زي ما سجنت حبيبتوا يا باهر.
باهر: انتي مش خايفه اسجنك زيها ؟او اقتلك؟
منه: انت اخر حد اخاف منوا ... انت مجرم و مريض كمان و انا مش هكمل مع حد زيك.
باهر: مش بالسهوله دي خلاص.
منه: عمومًا خلينا نشوف التسجيل ده هيعمل فيك ايه .
باهر: انتي كنتي بتسجليلي؟!!!
منه: اه مش قلتلك مش بخاف.
باهر يغضب علي منه و علي وشك ان يضربها فتقوم منه بالهرب فيخرج مسدسه و يطلق عليها.
باهر: انا عملت ايه؟ قتلتها ؟ طب اعمل في الجثه ايه دلوقتي ؟ طب حد هيشك فيا ؟
باهر: (ببكاء) ببب بابا انا قتلت منه.
السريطي: ايه انت مجنون؟ يعني ايه قتلتها؟
باهر: كنت متعصب و خوفت تحكي للبوليس كل حاجه بس انا عرفت انا هعمل ايه دلوقتي خلاص.
السريطي: انا هبعتلك واحد من رجالتي.
باهر: لا خليهم انا هتصرف (ثم يغلق)
يأخد باهر الجثه و يلقيها بجانب الطريق و كأنها حادثة سرقه و يأخذ اغراضها .
يجد احد المشاه جثه منه و يخبر الشرطه حتي تأتي و تتعرف علي صاحبها و يرسلوها لمستشفي قريبه من مكان الحادث.
احدهم: الو استاذ باهر معايا؟
باهر: ايوه انا.
احدهم: انا اسف علي الخبر ده بس احنا لقينا خطيبه حضرتك الانسه منه علي الطريق مرميه و حسب تقرير الطب الشرعي هي اتعرضت لأطلاق النار بعدها حادثه بالعربيه.
باهر: ايه؟ انت اكيد قصدك منه تانيه صح؟ استحاله لا لا دي مش منه خطيبتي انا عارف.
احدهم: للأسف يا استاذ باهر هي خطيبة حضرتك، اتمني حضرتك تيجي تخلص اجرائات الدفن.
باهر: حاضر يا افندم جاي.
يغلق باهر و هو يعلم جيدا ان خطته مرت كما اراد و لكن الان عليه تمثيل دور الضحيه التي فقدت حبيبتها الغاليه.
باهر: معلش يا منه سامحيني بس مكنتش هسمحلك تدمريني و بالنسبه لأحمد ف دوره جاي و هاخد حقي منوا .
عام ٢٠١٨
ميرنا
اليوم سيقوم باهر بالاعتراف لاشرقت بحبه لها ، اعلم انها لا تعلم عنه سوا اسمه و مجال عمله و لكن انا متأكده انها ستوافق فلن تجد من يحبها اكثر منه انا عني انا فقد عوضني الله بصديق يدعي "احمد" هو شريك باهر في العمل . قابلته منذ فتره عندما كنت في احدي شركات باهر لكي نتفق علي كيفيه اعترافه لاشرقت اليوم و اود ان اعترف انني احببته حقًا بالرغم من انني لم اعد اثق بالحب ابدا و لكنه استطاع ان يرجع لي ثقتي بأكملها ، سوف اعترف له انا ايضا انني احبه اكثر من نفسي و ان وجوده يشعرني بالطمأنينه حقًا.
اشرقت: يا صباح الخير علي الناس اللي نايمه لحد ٣ العصر... امممم بتحبي جديد؟
ميرنا: احب جديد ايه بس هو الواحد ناقص ، يابنتي انا اصلا خساره في اي حد.
اشرقت: فقرة الغرور اليوميه بدأت ها.
ميرنا: اوعدك هأجل الغرور ده لبعدين بس انتي قومي اجهزي بسرعه.
اشرقت: نفسي تفهم مشوار ايه ده اللي لازم ابقي شبه العروسه فيه... ناويه تجوزيني انهارده ولا ايه(بسخريه)
ميرنا: ياريت علشان اخلص منك بدري بدري بقي .
اشرقت: هههههههه لا انا قاعده معاكي العمر كله خلي بالك.
ميرنا: ياستي اقعدي حد قالك لا بس بشرط انك تخرجيني كل يوم بقي معلش.
اشرقت: لا الجواز ارحمني تصدقي.
ثم يضحكان سويًا.
اشرقت
تظن ميرنا انني لا اعلم انها اتفقت مع باهر لكي يعترف لي بحبه و لكني لا اعلم كيف اخبرها ان من اتفقت معه كان السبب في موت حبيبته السابقه و تدمير حياة حبيبه صديقه"احمد" و أيضًا متاجرته في السلاح. يبدو لك انني لا اعلم شيئًا عن باهر و احمد ولكن بجانب انني صاحبه مطعم مشهور ف انا ابنة رجل يهابه المجرمون اما عن ابنته ف هي مثل شبل الاسد ف في صغره يظنه الناس رحيم و جميل ولكن انتظر حتي يصبح مثل اباه و ينمو واذا بالشبل الصغير يتحول لملك الغابه و انا مثل هذا الشبل اصبحت مثل ابي استخباراتيه.
اشرقت: لو سمحت احجزلي طياره بكره لمصر .... تلت افراد لطياره الساعه ٧.
والد اشرقت: انتي هتروحي مع ميرنا فعلًا ؟
اشرقت: اه يا بابا و اديني اهو جهزت.
والدها: بس انتي عارفه انوا بيحبك ف هتعملي ايه ؟
اشرقت: بيحبني؟ههههههه اللي زي ده مبيحبش غير الفلوس و نفسه ، واحد قدر يقتل خطيبته بدم بارد تفتكر يعرف يعني ايه حب ؟
والدها: انتي بره بلدك يعني مينفعش تقبضي عليه افتكري كده كويس.
اشرقت: يا بابا انا بنتك يعني بفكر مية مره قبل الخطوه.
والدها: و انا متأكد انك هتعرفي تنجحي في مهمتك يابنتي.
ميرنا مقاطعه: مهمه من غيري ؟ مهمة ايه دي؟
اشرقت بتوتر: بابا كان عايزني يا ميرنا ابقي ناجحه زيوا كده.
ميرنا: متقلقش يا عمو طول ما انا في حياتها هي اكيد ناجحه.
والدها: ربنا يخليكم لبعض يابنتي.
اشرقت: لا بقي مش هتخليني اعيط بعد ما خلصت ميكب بقي الله.
ثم يضحكون جميعا و تأخذ ميرنا اشرقت و تذهب لمقابله باهر.
Reviewed by من هنا و هناك
on
مارس 10, 2021
Rating:
ليست هناك تعليقات: