خواطر_أم_لملاك_

 

#خواطر_أم_لملاك_

كلمة حلوة .....

#بقلمى_سمية_الشرنوبى_

لو كلمه حلوة 

حتيجى منِك بلاها

حبيبتي انا لسة عقلى

 ماوصلش للبلاهة

تعبت كتير  عشان اشوف

 فى عينك رضاها

لكن عِندِك وصل حياتي

 معاكى لمنتهاها

بيتنا بنيته بدمى

 قبل ايدى

لإن وقتها سَكنك 

ده كان وريدى

ولواقدملك قلبى

 فى طلباتك تزيدى

وبرضو اقبل واحلم

 بجنه تكونى انتى ضياها

وحلمت معاكى

 ببيت كله محبه

واولادنا ييجوا 

يكتروا بينا المحبه

واتماديتى  واتنازلت

 انا حبه حبه 

والدنيا ضاقت بيه

 رفعت ايدى لسماها

وقلت ياااااااارب

 ياعالم بحالي

انت شايف وعالم

 بالى جرالي

لوالحب يكسر 

إمحيه من خيالى

واسيبها تعيش حياتها

 وانا مش معاها

دلوقتي جاية تقولى

 خلاص باعتذرلك

حاعيش معاك تحت

 اى ظرف قلبى مآمنلٓك

نسيتى إن الاهم

 قلبى انا يآمنلٍك

اتاخرتى حبيبتى كتير

و كلمتك بلاااااها

٢٠٢٢/١٢/٢٤ ..